سازمانی خه‌بات ی
کوردستانی
ئێران
جاوید ڕەحمان، ڕاپۆرتنێری تایبەتی ڕێکخراوەی نەتەوە یەکگرتووەکان بۆ چاوەدێریکردن بەسەر دۆخی مافی مرۆڤ لە ئێران، ڕۆژی سێشەممە ڕاپۆرتێکی لەبارەی دۆخی مافی مرۆڤ لە ئێران بە کۆڕی گشتیی ئەم ڕێکخراوەیە دا و وتی: ئەم ڕاپۆرتە پیشاندەری "ڕاستیی تاڵ"ی دۆخی مافی مرۆڤ لە ئێرانە.
ناوبراو لە دانیشتنی کۆمیتەی سێیەمی ڕێکخراوی نەتەوە یەکگرتووەکان وتی: سێزدە مانگ لە شەهید کرانی ژینا ئەمینی لە گرتووخانەی گەشتی ئیرشاد تێپەڕیوە و ڕژیمی ئێران لەمبارەوە لە لێکۆڵینەوەی ڕوون، بێ لایەنانە و سەربەخۆ سەرکەوتوو نەبووە و بەردەوام هەموو جۆرە پێشێلکارییەک لەلایەن خۆیەوە ڕەت دەکاتەوە.
جاوید ڕەحمان زیادیشی کرد، کەموکوڕییە بەرچاوەکان لە چوارچێوەی یاسایی و سیاسیی ڕژیمی ئێران، بە شێوەیەکی بەرچاو توانایی هاووڵاتیانی ئێرانی بۆ کەڵکوەرگرتن لە مافی بەشداریی دیمۆکراتیک لە بوارە سیاسی و گشتییەکان، بەرتەسک کردۆتەوە.
