سازمانی خه‌بات ی
کوردستانی
ئێران
ئیبراهیم ڕەئیسی ڕۆژی شەممە لە کۆبوونەوەی (نائاسایی) ڕێکخراوی هاریکاریی ڕیازدا، داوای سزادانی سەرکردەکانی ئیسرائیل و ئەمریکا لە دادگای نێودەوڵەتی بە تاوانی جینۆساید کرد.
ڕەئیسی هەروەها وتی گەمارۆی بازرگانی بۆ سەر ئیسرائیل بەتایبەتی لە بواری وزەدا پێویستە لە پێشینەی کارەکاندا بێت.هەروەها ڕەئیسی ١٠ ڕێگاری بۆ کۆتاییهێنان بە شەڕی نێوان ئیسرائیل و حەماس خستەڕوو. ناوبراو داوای هاوکاری لە ووڵاتانی ئیسلامی کرد بۆ "پڕچەك كردنی گەلی فەلەستین" و هەروەها داوای کرد کە "سندوقێکی تایبەت بۆ ئاوەدانکردنەوەی غەززە" دروست بکرێ.لە كاتێكدا ڕەئیسی ئەو داواکاریانە دەکات، كە ڕۆژ نییە لە وڵاتی چەوساوەی ژێر دەسەڵاتی خۆیاندا چەندین كەس بە دەستی بەكرێگیراوەكانیان نەكوژرێن و ئیعدام و بەند نەکرێن. لە لایەكی دیكە سپای پاسداران وەك ترۆریست ناسراوە و دەسەڵاتی ئاخوندیش سنووری هەموو ووڵاتانی بۆ كردەوە ترۆریستییەكانی سەر بە دەسەڵاتەکەی بەزاندووە
