ئەرەستو پاسیار  دەڵێت ڕژیم ناتوانێت باوڕ بە ئازادیمان لێ بستێنێت

یەکێک لە قوربانییانی شۆڕش كە چاوی زیانی بەركەوتووە دەڵێت،  ڕژیمی دژە مرۆڤی ئێران نەیتوانی باوەڕ بە ئازادی لەنێو ببات. ئەرەستۆ پاسیار، هاووڵاتییەکی کوردی بۆكان و یەکێک لە قوربانییانی شۆڕشی ژینا، وێنەی کاتی برینداربوونی خۆی بڵاوکردەوە  و پێداگری لە درێژەدان بە ڕێگای ئازادی کردەوە و نووسیویەتی:
“زیاتر لە ساڵێک بەسەر شۆڕشی ژن، ژیان، ئازادیدا تێپەڕیوە". هەزاران لاوی تێکۆشەر کە لە شەقامەکاندا هاواریان بۆ ئازادی دەکرد، شەهید کران. من و هەزاران کەسی تر بریندار و کەمئەندام بووین. بەڵام شتێک کە ڕژیم ئاخوندی هەرگیز نەیتوانی لەنێوی ببات. باوەڕی پتەو بە ئازادییە.
ناوبراو هەروەها لە درێژەدا زیادی کرد, وەک  یەکێک لە قوربانییانی شۆڕش،  ژن ، ژیان، ئازادی شاهیدی هەڵسوکەوتی دڕندانەی ڕژیمی سەرکوتگەری ئاخوندی بەرانبەر بە خەڵکی ئازادیخواز لە بۆكان بووم.
من شاهیدی برینداربوون و گیاندان و بەند کرانی دەیان لاو بووم کە تاکە تاوانیان خەبات بۆ ئازادی بوو، شاهیدی قوربانیدانی هەزاران لاوی تێکۆشەر لە ژن و پیاو بووم کە دڵنیام تا ڕووخانی تەواوەتیی ئەم دەسەڵاتە ستەمکار و تاوانکارە بەردەوام دەبن.