خۆكوژیی ٥ قوتابی لە ماوەی كەمتر لە دوو مانگ لە پارێزگای ئیلام

لە ماوەی پەنجا ڕۆژی ڕابردوودا پێنج قوتابی لە شاری ئاودانانی سەر بە پارێزگای ئیلام کۆتاییان بە ژیانی خۆیان هێناوە.
ڕۆژنامەی "ئیعتماد" بڵاویکردەوە، لەماوەی پەنجا ڕۆژی ڕابردوودا پێنج قوتابی ناوەندی لە نێوان تەمەنی ١٣ بۆ ١٩ ساڵیدا لە ئاودانان کۆتاییان بە ژیانی خۆیان هێناوە.
ساناز قەمبەری کە تازە قۆناغی ئامادەیی تەواو کردبوو، باران قەمبەری، قوتابیی ساڵی یەكەمی قۆناغی ناوەندی، ئاتیا نووری تەمەن ١٧ ساڵ، عەبدوڵڵاهی،  قوتابیی ساڵی دووەمی قۆناغی ئامادەیی و فایز سەعادەت، دیپلۆمە، پێنج خوێندکاری شاری ئاودانن، کە لە کۆتا حەوتووی ڕەزبەری ١٤٠٢ی هەتاوی تا حەوتوی یەكەمی سەرماوەزی ١٤٠٢ی هەتاوی بە خۆکوژی كۆتاییان بە ژیانیان هێناوە.
جێگری کۆمەڵایەتیی پارێزگاری ئاودانانیش خۆکوشتنی ئەو پێنج قوتابییەی پشتڕاست کردوەتەوە.