گواستنەوەی شەریفە محەممەدی بۆ زیندانی سنە

بە پێی هەندێک ڕاپۆرت، شەریفە محەممەدی، چالاکی کرێکاری کە لە لایەن بەکرێگیراوانی ئیدارەی ترۆریستی ئیتلاعاتی لە شاری ڕەشت گیرابوو، لە زیندانی لاکانەوە بۆ زیندانی سنە گواسترایەوە.
درێژەدان بە گرتن و چارەنووسی ناڕوونی ناوبراو لە کاتێکدایە کە فەرمانی کەفالەت دەرچووە، بەڵام بەرپرسانی دامودەزگا ترۆریستەکانی ئیتلاعات و قەزایی ڕژیم, ڕێگرییان لە ئازادکردنی کاتی خاتوو محەممەدی کردووە.
ناوبراو پێشتر لە ڕۆژی ١٤ی سەرماوەزدا، بەبێ بەڵگەنامەی قەزایی، لەلایەن بەکرێگیراوانی ئیدارەی ترۆریستی ئیتلاعات دوای هێرشكردنە سەر ماڵەكەی گیرابوو.
لە کاتێکدا نزیکەی مانگێک بەسەر گرتنی ئەم چالاکە کرێکارییە تێپەڕیوە و سەرەڕای دانان و دابینکردنی کەفالەت، ناوبراو هێشتا ئازاد نەکراوە.