سازمانی خه‌بات ی
کوردستانی
ئێران
بەگوێرەی ڕاپۆرتێکی ڕێكخراوی مافی مرۆڤی کوردستان لە ماوەی ساڵی ڕابردوودا لانیکەم ٤٨ کۆڵبەر کوژراون.
بەپێی ئەم ئامادە ساڵی ڕابردوو ٤٨ کۆڵبەر کوژراون و ٢٣٩ کۆڵبەریش لە ئەنجامی دەستڕێژی گوللـەی هێزەکانی سپای ترۆریستی ئێران بریندار کراون.
لەم ڕاپۆرتەدا ڕێكخراوەكە ڕایگەیاندووە، بەهۆی ڕێگری لە چالاکی ڕێکخراوە سەربەخۆکانی مافی مرۆڤ لە ئێران، ئاماری پێشێلکارییەکانی مافی مرۆڤ و کوشتاری کۆڵبەران بە وردی بەردەست نین و ئاماری جیاجیاش لەو بارەوە بڵاو دەکرێنەوە.
بەگوێرەی ئاماری چەند ڕێکخراوێکی دیکەی مافی مرۆڤ، ژمارەی کوژران و برینداربوونی کۆڵبەران لە ساڵی ٢٠٢٣دا لە نێوان ٣٠٠ بۆ ٣٣٠ کۆڵبەرە.
ئەم ڕاپۆرتە ئاماژەی بەوەشداوە، بە گشتی و بەپێی سەرجەم ئەو ئامارانەی بڵاو کراونەتەوە، ساڵی ٢٠٢٣ خوێناویترین ساڵ بووە بۆ کۆڵبەران و لە ماوەی ١١ ساڵی ڕابردوودا واتە لە نێوان ٢٠١٣ تاکوو ٢٠٢٣ کوژران و برینداربوونی زیاتر لە دوو هەزار کۆڵبەر تۆمار کراوە.
