سازمانی خه‌بات ی
کوردستانی
ئێران
دانیشتوانی گوندی قەرەقشڵاق سەر بە شارستانی سەلماس سەر بە پارێزگای ورمێ لە ناڕەزایەتی بە دامەزراندنی کارگەی خوێ لە زەویەکانی ئەم گوندەدا کۆبوونەوە و داوایان کرد حکومەت و بەرپرسانی پەیوەندیدار کە هەمیشە چاوی خۆیان لەسەر کێشەو گرفتەکانی خەڵک دادەخن و هیچ گرنگیەک بە خەڵک نادەن, گوێبیستی داواکاریەکەیان بن و بەدواداچوون بۆ ئەم بابەتە بکەن.
هۆی سەرەکی داواکاری خەڵک بۆ بەرگری لە دامەزراندنی کارگەی خوێ لە زەوییەكانی ئەم گوندەدا، ئەگەری زۆری لەنێوچوونی زەوییە کشتوکاڵییەکانە كە بۆ کشتوکاڵ نەشێن و هەروەها لەنێوچوونی لەوەڕگە و باخ و وێرانبوونی ژینگەی ناوچەکە بەهۆی دزەکردن پاشەڕۆی پیشەسازی بۆ نێو کێڵگەکان و سەرچاوە ئاوییەکانی دەوروبەری کارگەکە دەگەڕێتەوە.
پێشتر ڕاپۆرتەکان سەبارەت بە لەنێوچوونی سەدان هێکتار زەویی کشتوکاڵی لە گوندەکانی بناب و مەراغە بە هۆی چالاکییەکانی کارگەی کاوە سۆدە، بڵاوکرابوونەوە.
