سازمانی خه‌بات ی
کوردستانی
ئێران
|
بەپێی هەواڵی گەیشتوو، ڕۆژی چوارشەممە ٣ی سەرماوەز،کەیوان کەریمی دێکیومێنتارسازی خەڵکی بانە لە کوردستانی ڕۆژهەڵات بۆ بەڕێوەچوونی ماوەی حوکمەکەی ڕەوانەی زیندانی ئەوینی تاران کرا.
ناوبراو حوکمی یەک ساڵ زیندانی تەعزیری، ٥ ساڵ زیندانی تەعلیقی و ٢٢٣ لێدانی قامچی بەسەردا سەپاوە.
کەیوان کەریمی تەمەن ٣٠ ساڵ، ٣ی سەرماوەزی ساڵی ڕابردوو، بە دروستکردنی فیلمی"نووسین لە سەر شار" بە نێوەڕۆکی دیوارنووسی سیاسی_کۆمەڵایەتی لە ئێران لەلایەن قازی موقیسەوە بە"بێڕێزی بە پیرۆزییەکان" و"پڕوپاگەندە دژی نیزام" تۆمەتبار کرا و بەو هۆیەوە ئەو فیلمە بڵاو نەکرایەوە.
دەستبەسەر کردنی ئەو هونەرمەندە لاوە دژکردەوەی ناوخۆیی و نێونەتەوەیی لە ئاستی فیلمسازانی فەرانسەوی، ئیتالیایی و ئیسپانیایی و هەروەها پارلمانی ئۆرووپای لێکەوتەوە.
|
