سازمانی خه‌بات ی
کوردستانی
ئێران
میدیاکانی ڕژیم كوژرانی دووەمین ئەندامی سپای ترۆریستی پاسدارانی لە هێرشەکانی ئەمریکا و ئیسرائیل پشتڕاست کردەوە.
بەپێی دانپێدانانی سپای ترۆریستی پاسداران، حەمزە عەلەوی، ئەندامێكی ڕێکخراوی سپای قودس لە گرووپی فاتمیون، لە کاتی هێرشی سەرلەبەیانی ئەمریکا بۆ سەر بنکەکانی سەر بە دەسەڵاتدارانی ڕژیمی ئێران لە سووریە كوژراوە.
هەروەها ڕۆژی هەینی سپای پاسداران دانی بەوەدانا کە ئەندامێكی دیکەیان بە ناوی سەعید عەلیدادی لە کاتی هێرشی ئیسرائیل بۆ سەر فڕۆکەخانەی دەمیشق كوژراوە.
هەروەها ئەمڕۆ ۱۶ی ڕێبەندانی ۱۴۰۲ی هەتاوی، چەند چەکدارێکی نەناسراو، بەڕێوبەری پەیوەندییەکانی بزوتنەوەی عەسائیب ئەهلی حەقی عێراقی سەر بە ڕژیمی ئێرانیان بە ناوی “ناجی ئەبووعەلی” لە گەڕەکی ئەلعەسکەری لە پارێزگای میسان لە عێراق کوشت.
