ڕادەست کردنی ئەسعەد محەممەدی بۆ بەندیخانە سنە

ڕۆژی سێشەممە ١٧ی ڕێبەندانی ١٤٠٢، ئەسعەد محەممەدی چالاکی مەدەنیی خەڵکی سنە، دوای بانگکرانی لەلایەن دەزگای گەندەڵی قەایی ڕژیم له شاری سنە، بۆ تێپەرکردنی ماوەی یەک ساڵ بەندکرانەکەی، بۆ بەندیخانەی ناوەندیی سنە گواسترایەوە.
ئەسعەد محەممەدی لە ڕۆژانی ڕابردوودا لەلایەن لقی یەکی بێدادگای بەناو ئینقلابی ڕژیم لە شاری سنە بە تۆمەتی ساختەی تەبلیغات لە دژی حکوومەت، یەک ساڵ بەندکرانی بەسەردا سەپا.
ئەسعەد محەممەدی شەوی دووشەممە ٢ی گەلاوێژ لە ماڵی خۆی لە ویلاشاری سنە، بەبێ هەبوونی هیچ بەڵگەیەکی دادوەری لەلایەن هێزە سەرکوتکەر و بەنا  ئەمنییەکانی ڕژیم گیراو دوای ماوەیەک بە دانانی بارمتە بە شێوەیەکی کاتی تا کۆتایی هاتنی دادگایەکەی ئازاد کرابوو.