سازمانی خه‌بات ی
کوردستانی
ئێران
ڕۆژنامەی "ئەلنەهار"ی لوبنان ڕایگەیاند، ئۆتۆمبیلێکی حیزبوڵڵای لوبنان كە لە لایەن دەسەڵاتدارانی ڕژیمی ئێرانەوە پشتیوانی دەكرێن لە کاتی هێرشی ئیسرائیل بۆ سەر باشووری لوبنان کراوەتە ئامانج.
بەپێی هەواڵی میدیا عەرەبییەکان، لەم هێرشەدا عەباس ئەلدبس ناسراو بە "حاج عەبدوڵڵا"، یەکێک لە ئەندامانە باڵاکانی حیزبوڵڵای لوبنان و ڕێکخەری ئۆپەراسیۆنە ترۆریستانەکانی سپای پاسداران، لەم هێرشەی ئیسرائیل دا کوژراوە.
بە پێی ئەم ڕاپۆرتانە، ترۆریست عەباس ئەلدبس بەرپرسی ڕێکخستنی سیستەمی بەرگریی ئاسمانیی گرووپەكانی سەر بە دەسەڵاتدارانی ڕژیمی ئێران لە سووریە بووە.
ئەم هێرشە لەلایەن درۆنێکی ئیسرائیلەوە بۆ سەر ئۆتۆمبێلێک کە ئەندامانی حیزبوڵڵایان هەڵگرتبوو لە دەروازەی شاری نەبەتیە کە دەکەوێتە باشووری لوبنان كراوە.
