سازمانی خه‌بات ی
کوردستانی
ئێران
بەپێی ڕاپۆرتی سەرچاوە هەواڵیەکان، ڕۆژی دووشەممە 30ڕێبەندانی 1402ی هەتاوی، لە شەقامێکی شاری نەجەف ئاباد لەپارێزگای ئیسفەهان، کچێکی تەمەن 19ساڵ بەناوی زێنەب حوسێن خانی، بە بیانووی کێشەی نامووسی و بەبیانووی پەیوەندی لەگەڵ کوڕێکی لاو، لەلایەن باوکیەوە کوژراوە.
سەرچاوەیەکی ئاگادار لەم بارەیەوە، ووتی:تاوانبار سەرەتا هەوڵی دابوو بەشێوەی خنکاندن کچەکەی بکوژێت، بەڵام لەکۆتاییدا بە خشت دەکێشێت بەسەریدا و کچەکەی دەکوژێت.
شایەنی باسە کە دایکی زێنەب دەساڵ پێش ئێستا کۆچی دوایی کردووە و باوکی ناوبراو تاوانبار بە کوشتنی کچەکەیەتی کە قوربانی کێشەی نامووسیە. شایانی باسە کە ناوبراو و زەهرا، خوشکە تەمەن 13ساڵەکەی لە چەندساڵ پێش ئێستا لەلایەن باوکیانەوە ڕێگەیان پێ نەدراوە پەیوەندی کۆمەڵایەتی لەگەڵ خزم و کەسەکانیان دروست بکەن.
بەووتەی یەکێک لە نزیکەکانی زێنەب، کەسی بکوژ هەرچەند گیراوە بەڵام سکاڵای لەسەر تۆمار نەکراوە و لەوانەیە بەم نزیکانە ئازاد بکرێت و ژیانی خوشکەکەی دیکەی کە تەنیا 13ساڵی تەمەنە، لەمەترسیدایە.
