سازمانی خه‌بات ی
کوردستانی
ئێران
بەگوێرەی ڕاپۆرتی حاڵوەش، ڕۆژی شەممە 5ی ڕەشەممەی 1402ی هەتاوی، هێزە سەرکوتکەرەکانی کەڵانتری 11ی شاری میرجاوە، لە دووکانێکی میکانیکی لەم شارە، دەستیان بەسەر بەڵگەنامە و ناسنامەی کاسبکارانی سووتەمەنیدا گرتووە و بەزۆر پارەیان لێ وەرگرتوون.
دەوترێت، لە بەرانبەر پێدانی بەرتیل بە بەڕی سێ ملیۆن تمەن،هێزەترۆریستەکانی ئەم شارە بەڵگەنامە و ناسنامەکانیان ڕادەستی کاسبکارەکان کردەوە.
کاری سووتەمەنی یەکێکە لەو کارە مەترسیدارانەی کە زۆرێک لە خەڵکی بەلووچ لە بەلوچستان بەهۆی بێکاری و هەژاری، ناچاربە ئەنجامدانی ئەم کارە مەترسیدارە دەبن. بەگوێرەی ڕاپۆرتی چالاکانی بەلووچ، لە ساڵی 2023 لانیکەم 172 کاسبکاری سووتەمەنی بە هۆی تەقەی ڕاستەوخۆی هێزە ترۆریستەکانی ڕژیم و ڕووداوی هاتوچۆ و سووتانی ئۆتۆمبێل گیانیان داوە و 42 کەسی دیکەش لە کاتی ئەو ڕووداوانەدا بریندار بوون کە 11 کەسیان منداڵ بوون.
