سازمانی خه‌بات ی
کوردستانی
ئێران
بەپێی ڕاپۆرتی حاڵ وەش، ڕۆژی هەینی ١٨ی ڕەشەمە، مەولەوی عەبدولحەمید، لە وتاری ڕۆژی هەینیی خۆیدا بە ئاماژەکردن بە هاتنی لافاو لە باشووری بەلووچستان، دەستخۆشی لەو کەسانە کرد کە لە دوای ئەم ڕووداوە بە هانای خەڵكی لێقەوماوی بەلووچستانەوە چوون و یارمەتییەکانی خۆیان بە خەڵکی لافاولێدراو گەیاند.
ناوبراو لە وتەکانی خۆی دا ڕایگەیاند: لافاوێک کە لەم دواییانەدا شاری دەشتیاریی گرتەوە خەسارێکی زۆری بەدواوە بوو، بەڵام پێڕاگەیشتنی خەڵک لەم ڕووداوەدا زۆر باش بوو. ئێمە دەستخۆشی لە هەموو ئەو کەسانە دەکەین کە بە هەر شێوازێک یارمەتیی خەڵکی بەلووچستانیان دا و سپاسیان ئەکەین.
مەولەوی عەبدوڵحەمید لە وتارەکەیدا ئاماژەی بە شانۆی هەڵبژاردنەکانی ڕژیم کردووە و ڕایگەیاندووە: زۆرینەی خەڵک بەشدارییان لە هەڵبژاردنەکاندا نەکرد، هۆەکەشی ئەوەیە کە بۆ ئەو بابەتانەی کە لەلایەن خەڵكەوە گلەییان لەسەرە، خەسارناسی نەکراوە و ئەمە ناڕەزایەتی خەڵکی بەدواوە بووە.
