سازمانی خه‌بات ی
کوردستانی
ئێران
هاووڵاتیەکی خەڵکی قوروە بەناوی حوسێن عەزیمی لە شەڕێکی خانەوادەگی دا بەتەقەی ڕاستەوخۆی هێزە جینایەتکارەکانی ڕژیم کوژراوە.
بەپێی ڕاپۆرتی سەرچاوە هەواڵیەکان، ڕۆژی چوارشەممە 23ی ڕەشەممەی 1402ی هەتاوی، حوسێن عەزیمی خەڵکی شاری قوروە، لە کاتی شەڕ لەگەڵ براکەی خۆی بەتەقەی ڕاستەوخۆی یەکێک لە هێزە ترۆریستەکانی ڕژیم بەناوی عەبدولمەلەکی کوژراوە.
بە وتەی سەرچاوەیەکی ئاگادار، حوسێن عەزیمی، لەدوای ئاگادار کردنەوە بۆ لابردنی چەک، لە حاڵێکدا کە هەوڵی دابوو بکەوێتە سەر عەرز، فیشەک بەر سەری دەکەوێت و دەست بەجێ گیان دەدات.
ئەم سەرچاوە ئاگادارە هەروەها زیادی کرد کە لە دوای کوشتنی حوسێن عەزیمی لەلایەن هێزە سەرکوتکەرەکانی ڕژیم، ناوەندە ئەمنیەکانی ڕژیم هەڕەشەیان لە خانەوادەی ناوبراو کردووە کە نابێت کوشتنی کوڕەکەیان لە ڕاگەیاندنەکان و تۆڕەکۆمەڵایەتیان ڕابگەیەنن.
