چارەنوسی ژاکان باران نادیارە

بەپێی هەندێک هەواڵ و زانیاری لە لایەن سەرچاوە هەواڵیەکان، حسەین باقری ناسراو به "ژاکان باران" ڕۆیشتن بۆ وڵاتێکی ئوروپایی، ویستویەتی بڕواتە کوردستانی عێراقەوە کە کەوتووەته داوی نەفەربەرەکان، ژاکان باران له دوایین ڤیدیۆدا ڕایگەیاندووە؛ "کاتێک ئەم گرته ڤیدیۆیە له من بڵاوکرایەوه، ناوی کەسێک دەبات و دەڵێت بزانن که ئەم کەسە کێشەیەكی بۆم ساز کردووه و کەوتوومەته مەترسی"، له کاتی ڕۆیشتنی ناوبراو تا ئێستا زیاتر لە ۲۰ ڕۆژ دەبێت هیچ هەواڵێکی لێی نییە. ژاکان باران ڕاستەوخۆ لەلایەن هێزە سەرکوتکەرەکانی ڕژیمی ئێران چەندین جار هەڕەشەی لێکراوه و ئەگەری ڕفاندنی بەدەست هێزەکانی ڕژیم زۆرە.
کۆمەڵێک له چالاکانی مەدەنی و سیاسی، هەڵمەتێکیان لە پلەتفۆرمی ئیکس به مەبەستی ئاگاداربوونەوەیان له دۆخ و ناڕوونی چارەنووسی ناوبراو ڕێکخستووه و له هەموو چالاکوانانی سیاسی - مەدەنی و ڕێکخراوەکانی مافی مرۆڤی خوازیارن که دەنگی ژاکان باران بن