سازمانی خه‌بات ی
کوردستانی
ئێران
ئەمریکا ڕۆژی چوارشەممە ٢٢ی خاکەلێوە ڕایگەیاند کە یازدە ناوەندی نوێ، لەوانە ٩ کۆمپانیای ڕووسی و چینی، بەهۆی پەیوەندییان بە بەرنامە درۆنیەکانی ڕژیمی ئێران و ڕووسیە، و هەروەها دابینکردنی ئامێری تایبەت بە ژیری دەستکرد کە لە ئەرتەشی چین بەکار دەهێنرێن بە لیستی ڕەشی هەناردەکردنی وەزارەتی بازرگانیی وڵاتەکەی زیاد کردووە.
بەپێی ڕاپۆرتی ئاژانسی هەواڵی ڕۆیتێرز، بە پشتبەستن بە پێگەی فەرمی ئەمریکا، کۆمپانیایەکی چینی بەهۆی پاڵپشتیکردن لە ئەرتەشی ڕووسیە لە کڕینی فڕۆکەی بێفڕۆکەوان، و کۆمپانیایەکی دیکەی چینیش وەک بەشێک لە تۆڕی دابینکردنی پارچەی فڕۆکەی بێفڕۆکەوان بۆ کۆمپانیایەکی ڕژیمی ئێران، خراونەتە نێو لیستی ڕەشی هەناردەکردنی ئەمریکاوە.
ئەو پارچانە بۆ پەرەپێدان و بەرهەمهێنانی فڕۆکەی بێفڕۆکەوانی شاهێد، کە ڕژیمی ئێران بۆ هێرشکردنە سەر کەشتییە نەوتهەڵگرەکان لە ڕۆژهەڵاتی نێوەڕاست و هەروەها لە شەڕی ڕووسیه دژی ئۆکراین کەڵکیان لێ وەردەگرێ بەکار دێن.
