سازمانی خه‌بات ی
کوردستانی
ئێران
کەماڵ لوتفی، لە ئەندامانی خانەوادەی دادخوازەکان و باوکی ڕەزا لوتفی لە شەهیدانی بزووتنەوەی ژن ژیان ئازادی کە لەم دوایییانەدا بۆ جاری دووهەم گیرا بوو، لەلایەن دەزگای قەزایی ڕژیمی ئێرانەوە سزای پێنج ساڵ بەندکرانی بەسەردا سەپێندراوە.
بەپێی ڕاپۆرتی سەرچاوە هەواڵیەکان، ناوبراو لەلایەن بێدادگای بەناو ئینقلابی ڕژیم لە دێولان بە تۆمەتی ساختەی "چالاکیی تەبلیغی دژ بە ڕژیم" سزای ١ ساڵ بەندکران، بە تۆمەتی ساختەی "سووکایەتیکردن بە خامنەیی" سزای ٢ ساڵ بەندکران و بە تۆمەتی ساختەی "سووکایەتیکردن بە دامەزرێنەری رژیم (خومەینی) " سزای ٢ ساڵ بەندکران و سەرجەم سزای ٥ ساڵ بەندکرانی بەسەردا سەپێندراوە.
