سازمانی خه‌بات ی
کوردستانی
ئێران
هاووڵاتییەکی کورد بە ناوی "ئەمجەد ساڵحزادە"، تەمەن ٣٨ ساڵ و کوڕی ئەحمەد، خەڵكی سەقز، لەلایەن دەزگای گەندەڵی قەزایی ڕژیم لە ئەم شارەوە بە تۆمەتی ساختەی "چالاکی تەبلیغی دژی ڕژیمی ئاخۆندی ئێران، سێ مانگ بەندکرانی تەعزیری بەسەریا سەپێندرا.
بە وتەی سەرچاوەیەکی ئاگادار، بێدادگای ڕژیم بە پشتبەستن بە یاسای کەمکردنەوەی سزای تەعزیری، سزای ئەم هاووڵاتییەی بە پێبژاردنی ١٦ میلیۆن تمەن پارەی نەخت گۆڕیوە.
ئەم سەرچاوە ئاگادارە ڕایگەیاند: ئەم حوکمە ناحەقە ڕۆژی دووشەممە ٢٧ی خاکەلێوەی ١٤٠٣ بەم هاووڵاتییە ڕاگەیەندراوە.
ئەمجەد ساڵحزادە پێشتر و لە ڕۆژی ٢٦ی ڕەشەمەی ١٤٠١دا بانگی ئیتلاعاتی ترۆریستی ڕژیم لە سەقز کرا و پاش ڕۆژێک لێپرسینەوە بە دانانی بارمتە و بە شێوەی کاتی هەتا کۆتاییهاتنی قۆناغەکانی دادڕەسی ئازاد کرا بوو.
