کۆڵبەرێکی دیکە بەهۆی دەستڕێژی هێزەکانی رژێمەوە بریندار دەکرێ

بەپێی هەوالی گەیشتوو، رۆژی پێنج شەممە 18ی سەرماوەز هێزە سەرکوتگەرەکانی رژێم لە ناوچەی ئەزگەلەی سەلاسی باوەجانی دەستڕێژی گوللە لە کاروانێکی کوڵبەران دەکەن کە بەو هۆیەوە کۆڵبەرێک بەناوی ئەیوب سەروەری خەڵکی دێی هەرمێیان بریندار دەبێ.

شایانی گوتنە بەهۆی هەژاری و دەستکورتی خەڵکی کوردستان بە ناچار روویان لە کاری قورس و گرانی کۆڵبەری کردوە بۆ ئەوەی بژیوی ژیانی خۆیان و ماڵ و منداڵیان دابین بکەن، بەڵام لەلایەن هێزە داگیرکەر و سەرکوتگەرەکانی رژێمی دژە کوردی ئاخوندانەوە دەدرێنە بەر دەستڕێژ، بە پێی ئامارە نافەرمیەکان هەر لە مانگی رابردوودا بەهۆی دەسترێژی ئەو هێزانەوە 8 کۆڵبەری کورد بوونە قوربانی.