سازمانی خه‌بات ی
کوردستانی
ئێران
بەپێی ڕاپۆرتێک کە لەلایەن ڕێکخراوی نێودەوڵەتیی مافی مرۆڤی ئێران بڵاو کراوەتەو، لە دوو حەوتووی کۆتایی مانگی خاکەلێوەی ئەمساڵدا واتە لە ١٣ی خاکەلێوەوە هەتا ١٢ی بانەمەڕ، ٧١ کەس لە بەندیخانەکانی ڕژیمی ئێران لەسێدارە دراون.
هەر بە وتەی ئەم ڕێکخراوە لە نێوان ئەو ٧١ بەندکراوەی کە لە ماوەی ئەو ڕۆژانەدا لە ٢٤ بەندیخانەی جیاوازدا لە سێدارە دراون، ٦٣ کەسیان تەنیا لە دوو حەوتووی کۆتایی مانگی ڕابردوودا لەسێدارە دراون.
ڕێکخراو ڕایگەیاندووە کە شەپۆلی لەسێدارەدانەکان بەدەستی ڕژیمی ئاخوندی ئێران لە مانگی خاکەلێوەدا دوای وەستانێکی کەم بەهۆی پشووی نەورۆز و ڕەمەزانەوە بە خێرایییەکی بێوێنەوە دەستی پێکردووەتەوە.
هەروەها بەپێی ڕاپۆرتی ڕێکخراوی مافی مرۆڤی ئێران، لە ماوەی ٤ مانگی یەکەمی ئەمساڵدا واتە ساڵی ٢٠٢٤ی زایینیەوە، ١٧١ کەس لە بەندیخانەکانی ڕژیمی ئێران لە سێدارە دراون.
