سازمانی خه‌بات ی
کوردستانی
ئێران
هێزەکانی فەرماندەیی ناوەندیی ئەمریکا "سێنتکام"، ڕایگەیاند، ئەمریکا سێ فڕۆکەی بێ فڕۆکەوانی حوسیەكانی لە دەریای سووردا خستووەتە خوارەوە.
لە بەیاننامەیەکدا، هێزەکانی فەرماندەی ناوەندیی ئەمەریکا لەسەر هەژماری "ئێکس" بڵاوی کردۆتەوە، فڕۆکەیەکی هاوپەیمانان بە سەرکەوتوویی هێرشی کردووەتە سەر فڕۆکە بێفڕۆکەوانەکان و هیچ زیانێکی گیانی و زیانێکیش بەر کەشتییە ئەمریکایەکان نەکەوتووە.
لە بەیاننامەکەدا ئەوەش هاتووە، هێزەکانی فەرماندەیی ناوەندی ئەمریکا سەرکەوتوو بوون لە تێکشانی ئەو سێ فڕۆکەیەی کە حووسییەکانی یەمەن کە لە لایەن رژیمی ئێران پشتیوانی دەکرێن، لە ئاسمانی دەریای سوورەوە و لە ژێر ناوچەی دەسەڵاتی خۆیان لە یەمەن هەڵیان دابوو.
سێنتکام ڕاشیگەیاند، "ئەم فڕۆکە بێفڕۆکەوانانە مەترسییەکی گەورەن بۆ هەردوو هێزەکانی هاوپەیمانان و کەشتییە بازرگانییەکان لە ناوچەکەدا، ئێمە ئەم ڕێوشوێنانە دەگیرێنەبەر بۆ پاراستنی ئازادیی کەشتیوانی و سەلامەتیی ئاوە نێودەوڵەتییەكان.
