لەسوئید خۆپیشاندانێک بۆ پشتگیری لە خەڵکی جزیرەی کوردستانی ترکیا بەرێوە چوو

 رۆژی  یەک شەممە 22ی خەرمانانی1394   بەرانبەر بە 13/9/2015 بە مەبەستی پاڵپشتی لە خەڵکی بێ تاوانی جزیزەی کوردستانی ترکیا و باقی شارەکانی تری کوردستان خۆپیشاندانێکی جەماوەریی بەرێوە چوو. ئێوارەی رۆژی یەک شەممە سەعات 2ی دوانیوەرۆ لە شاری یەفلەی وەڵاتی سوئید  ، بە ئامادەبوونی ژمارەیەکی زۆر لە کوردانی وڵاتی سوید گردبوونەوە وڕێپێوانێک دژی سیاسەت و هێرشەکانی دەوڵەتی تورک بۆسەر شارەکانی  کوردستانی ترکیا و کۆمەڵکوژی خەڵکی شاری جەزیرە بەرێوە چوو.

خۆپیشاندانەکە نزیک بە یەک سەعاتی خایاند و  و تیایدا چەند دروشم بۆ مەحکووم کردنی سیاسەتەکانی رژیمی ترکیا و پاڵشتی لە خەڵک ووترانەوە.  جێگەی باسە لەو خۆپیشاندانەدا بەشێک لە ئەندامانی سازمانی خەبات ی کوردستانی ئێران بەسەرپەرشتی بەرێزان کاک عەتا کەریمی و کاک عەلی عەزیزی ئەندامانی کومیتەی سوئیدی سازمانی خەبات بەشدارییان کرد.