سازمانی خه‌بات ی
کوردستانی
ئێران
ئەمڕۆ دووشەممە ٣١ی بانەمەڕی ١٤٠٣، ئیبراهیم ناسری یەکێک لە خێرخوازانی شاری بۆکان کە لە بواری دروست کردنی قوتابخانە چالاکیی خێرخوازانەی هەیە، لە دوای بانگکران و سەردانی بۆ ئیدارەی ئیتلاعاتی ترۆریستی ڕژیم لە شاری بۆکان، گیراوە.
بە وتەی سەرچاوەیەکی ئاگادار، ناوبراو ڕۆژی یەکشەممە ٣٠ی بانەمەڕ لە ڕێگەی پەیوەندیی تەلەفۆنەوە ئاگادار کرابوو کە سەردانی ئیدارەی ئیتلاعاتی ڕژیم لە شاری بۆکان بکات.
شایانی باسە کە هێشتا هیچ زانیارییەک لەسەر چارەنووس و شوێنی ڕاگیران و ئەو تۆمەتانەی دراوەتە پاڵ ئیبراهیم ناسری لەبەردەستدا نییە.
