سازمانی خه‌بات ی
کوردستانی
ئێران
پاش کەوتنەخوارەوەی هێلیکۆپتێری هەڵگری ئیبراهیم ڕەئیسی و شاندەکەی و پشتڕاستبوونەوەی هەواڵی مردنی ئەو جەلادە دژە مرۆڤە کە بووە هۆی خۆشی لە دڵی خەڵکی مەزڵومی وڵات، پۆلیسی فەتای ڕژیم دەستی بە هەڕەشەکردن لە خەڵکی ئێران کردووە.
بەپێی هەواڵەکان ئەمڕۆ دووشەممە ٣١ی بانەمەڕ۱۴۰۳، پۆلیسی فەتا لە ڕاگەیەندراوێکدا وێڕای ترساندنی خەڵک بە چاوەدێریکردنی ماڵپەڕەکانیان لەلایەن ئەم ناوەندەوە سەرکەوتکەرەوە، ڕایگەیاندووە کە "پۆلیسی فەتا بە وردی چاوەدێریی دنیای مەجازی دەکات و لە وەها دۆخێکدا لە بڵاوکردنەوەی هەر هەواڵ و ناوەرۆکێک کە بە جۆرێک دەبێتە هۆی تێکدانی ئاسایشی گشتیی خەڵک، خۆ ببوێرن.
دیارە کە ئەم هەڕەشەی پۆلیسی فەتا لە کاردانەوە بە بەکارهێنەرانی تۆڕە کۆمەڵایەتییەکانە کە لە دوێنێوە و پاش بڵاوبوونەوەی هەواڵی کەوتنەخوارەوەی ڕەئیسی، دەستیان بە بڵاوکردنەوەی ناوەرۆکی گاڵتەجاڕ و پێکەنیناوی و هەروەها دەربڕینی خۆشحاڵی لە ڕووداوەکە کردبوو.
