سازمانی خه‌بات ی
کوردستانی
ئێران
بەپێی ڕاپۆرتی سەرچاوە هەواڵیەکان، لەڕۆژانی ڕابردوودا، تەحسین مستەفا ئەندامی لیژنەی بەڕێوەبەرایەتیی ئەنجوومەنی پیشەیی مامۆستایانی مەریوان و خاوەن پێشینەی ٢٣ ساڵ وانەکوتنەوە لە قوتابخانەکانی ئەو شارە و سامان کووشش لە چالاکانی ئەنجوومەنی پیشەیی مامۆستایانی مەریوان، لە درێژەدان بە ئیشەکەیان لە وەزارەتی پەروەردە و بارهێنانی ئەو شارە دوور خراونەتەوە.
بەوتەی سەرچاوە بڕواپێکراوەکان، بڕیاری دوورخستنەوەی ئەو چالاکە پیشەیییانە، لەلایەن لیژنەی پێڕاگەیشتن بە سەرپێچییە ئیدارییەکانی وەزارەتی پەروەردە و بارهێنانی رژیم لە پارێزگای سنە و بەپێی ماددەی ٨ی یاسای سەرپێچییە ئیدارییەکان، سەپێندراوە.
سزای دوورخستنەوەی مامۆستایان و چالاکانی ئەنجوومەنی مامۆستایانی مەریوان بەپێی ڕاسپاردنی ناوەندە سەرکوتکەرەکانی رژیم لە پارێزگای سنە و بەبێ گرینگیدان بە داکۆکییەکانی ناوبراوان بەسەریاندا سەپێندراوە.
