سازمانی خه‌بات ی
کوردستانی
ئێران
ڕۆژی چوارشەممە ٢٣ی جۆزەردانی ١٤٠٣، سووسەن حەسەنزادە، چالاکی مەدەنی و مامۆستای زمانی کوردی خەڵکی شاری بۆکان، بە دانانی بارمتەی ٨٠٠ ملیۆن تمەن و بەشێوەی کاتی هەتا کاتی کۆتایی هاتنی پرۆسەی دادگاییکردنەکەی لە بەندیخانەی ناوەندیی ورمێ ئازاد کرا.
ڕێکەوتی ٢٦ی بانەمەڕی ١٤٠٣، هێزەکانی ئیتلاعاتی ترۆریستی ڕژیم هەڵیانکوتابووە سەر ماڵی ئەو هاووڵاتییە و بە بەکارهێنانی توندوتیژی و بەبێ نیشاندانی هیچ بەڵگەیەکی دادوەری ناوبراویان گرت و ماڵەکەیان پشکنیبوو.
بەپێی سەرچاوەكانی هەواڵ، ناوبراو لە ماوەی بەندکرانی دا لە مافی دەستڕاگەیشتن بە پارێزەر بێبەش بووە و تەنیا پەیوەندییەکی کورت ماوەی تەلەفۆنیی لەگەڵ خانەوادەکەیدا هەبووە.
