سازمانی خه‌بات ی
کوردستانی
ئێران
دانیال هاگاری، وتەبێژی سپای ئیسرائیل لە بەیاننامەیەکی ڤیدیۆیی بە زمانی ئینگلیزی وتی: زیادبوونی دەستدرێژییەکانی حزبوڵڵا دەمانگەیەنێتە لێواری هەڵکشانێکی فراوانتر، کە دەکرێت لێکەوتەی وێرانکەری بۆ لوبنان و تەواوی ناوچەکە هەبێت.
هاگاری ئاماژەی بەوەش كردووە، "ئیسرائیل ڕێوشوێنی پێویست بۆ پاراستنی هاووڵاتییانی مەدەنی خۆی دەگرێتە بەر، تاوەکوو ئاسایش بەدرێژایی سنوورەکەمان لەگەڵ لوبنان بەرقەرار بێت."
ناوبراو هەروەها پێداگری کردەوە کە "رێگە نادەین ٧ی ئۆکتۆبەر لە هیچ سنوورێکمان دووبارە بکرێتەوە". ئەو گرووپە ترۆریستییانە کە رژیمی ئێران پشتیوانیان لێ دەکات، لە وێرانیی زیاتر لە ناوچەکە بەردەوامن، بەڵام ئیسرائیل لە هەموو بەرەکاندا لە بەرەنگاربوونەوە لەگەڵیان بەردەوام دەبێت و بە هەر نرخێک بێت بەرگری لە گەلەکەی و ئەمنیەت و داهاتووی ڕۆژهەڵاتی ناوەڕاست دەکات.
