کانەدا سپای پاسداران دەخاتە لیستی ترۆرەوە

بە پێی راپۆرتی هەواڵدەری سی بی سی، حکومەتی کانەدا بەنیازە بەپێی یاسای تاوانەکانی ئەو وڵاتە، سپای پاسدارانی رژێمی ٸاخوندی بخاتە ناو لیستی ڕێکخراوە تیرۆریستییەکانەوە.بە پێی ٸەم راپۆرتە، بڕیارە لەم هەفتەیەدا حکومەتی کەنەدا ئەم بابەتە ڕابگەیەنێت، بەڵام هێشتا گفتوگۆکان بەردەوامن و وردەکارییەکان یەکلایی نەکراونەتەوە. بە تیرۆریست ناساندنی سپای پاسداران لەلایەن کانەداوە بەو مانایەیە کە پۆلیسی ئەو وڵاتە دەتوانێت هەر کەسێک لە ڕووی دارایی یان ماددییەوە پشتیوانی ئەم گرووپە بکات، بەند بکات. هەروەها ڕێگە بە بانکەکان دەدرێت سەروەت و سامانی ئەو کەسانە سڕ بکات. حکومەتی جەستن ترودۆ، سەرۆکوەزیرانی کەنەدا، ئەم بڕیارەی دوای چەندین ساڵ فشاری لایەنەکانی دژبەری رژێمی ٸاخوندی داوە، لەوانە فشاری خانەوادەی قوربانیانی فڕۆکەی پی ئێس 752 کە لەلایەن سپای پاسدارنەوە خرایە خوارەوە. ئەندامانی پەرلەمانی کانەدا مانگی ڕابردوو بە کۆی دەنگ ئەو ڕێوشوێنەیان پەسەند کرد و داوایان لە حکومەتی کانەدا کرد کە سپای پاسداران وەک ڕێکخراوێکی "تیرۆریستی" بناسێنێت.