سازمانی خه‌بات ی
کوردستانی
ئێران
وەزیری دەرەوەی ئیسرائیل لە کاردانەوە بە هەڕەشەکانی ڕژیمی ئاخوندی سەبارەت بە ئاکامەکانی هێرش بۆ سەر حیزبوڵلای لوبنان ڕایگەیاند ڕێژیمێک کە هەڕەشەی لەنێوبردن دەکات، شایەنی لەنێوچوونە. بە پێی راپۆرتی هەوالدەرییەکان. ئیسرائیل کاتس رایگەیاندووە "وڵامی من بۆ ڕژیمی ئاخوندی ڕوونە، ئەگەر حیزبوڵلا کۆتایی بە هێرشەکانی نەهێنێت و لە باشووری لوبنان پاشەکشێ نەکات، بە هەموو هێز و تواناوە هێرش دەکەینە سەریان". ڕۆژی هەینی ٨ی پووشپەڕ نوێنەری ڕژیم لە نەتەوە یەکگرتووەکان بە بڵاوکردنەوەی پۆستێک لە هەژماری ئیکسی خۆی سەبارەت بە هێرشی ئیسرائیل بۆ سەر حیزبوڵلا هەڕەشەی کردبوو. ئەمیرسەعید ئیرەوانی لەو پۆستەدا وێڕای هۆشداریدان نووسیبووی: "ئەگەر ئیسرائیل هێرشێکی گەورە و هەمەلایەنە بکاتە سەر حیزبوڵلا، شەڕێک ڕوو ئەدات کە شەڕی لەنێوچوونە".
