سازمانی خه‌بات ی
کوردستانی
ئێران
نیگار کوورکوور خوشکی موجاهد کوورکوور ، ڕۆژی یەکشەممە ١٠ی پووشپەڕ لە تۆڕی کۆمەڵایەتیی ئێکس بڵاوی کردەوە کە : "لە چەند مانگی ڕابردوودا خانەوادەکەی چەندین جار سەردانی زیندانی شەیبانیان کردووە بۆ ئەوەی کە چاویان بە براکەی بکەوێت، بەڵام بەرپرسانی بەکرێگیراوی ڕژیم لە زیندان ڕێگەیان نەداوە یەکتر ببینن."
هەروەها ڕایگەیاندووە کە خانەوادەکەی بۆ بەدواداچوون چوونەتە لای دادستانی گشتیی ئیزە بەڵام دادستانی گشتی بە باوکی وتووە کە کوڕەکەت مافی چاوپێکەوتن و پەیوەندیکردنی نییە و لەم مافە بێبەش کراوە.
خوشکی ناوبراو ڕایگەیاندووە کە ئیستا چەند حەفتەیە ئێمە هیچ هەواڵێکمان لە براکەمان نییە و لە دۆخی بێ ئاگاین.
دەزگای بەناو دادوەریی ڕژیمی ئێران، موجاهد کوورکووری بە تەقەکردن لە ٢٥ی خەزەڵوەری ساڵی ١٤٠١ لە ئیزە و کوشتنی حەوت هاووڵاتی كه لە نێویاندا کیان پیرفەلەکیش هه‌بوو تۆمەتبار کردووە، بەڵام ئەم زیندانییە سیاسییە ئەو تۆمەتەی ڕەت کردووەتەوە.
