سازمانی خه‌بات ی
کوردستانی
ئێران
بە پێی زانیارەكان، شێخ ئازاد شێخ شەهابی، كەسایەتی ئایینی ئیسلام و كەسایەتی نیشتمان و كورد خۆشەویست و دیار لە شاری سەقز كە لە لایەن چەند چەكداری نەناسراو لە گەرەكی تەپی ماڵان شەهید دەکرێ.
شەهید كردنی شێخ ئازاد شەهابی و دوو كەس لە دەروێشەكانی كردەوەیەكی دژی ئینسانیەو هەروەها بۆ لە ناوبردنی ڕۆحی پێكەوە ژیانی ئاشتیانەی نێوان چین و توێژەكانی كۆمەڵگی كوردستانی ئێرانە.
ترۆری شێخ ئازاد لە شێوەی تاوانەكانی دەسەڵاتی ئاخوندی و لە جۆری هەوڵەكانی ئەو دەسەڵاتە بۆ تێكدانی تەبایی و یەكگرتوویی نێوان چین و توێژەكانی جەماوەری كوردستانە.
لە گەڵ مەحكوم كردنی تاوانی شەهیدکردنی شێخ ئازاد شەهابی، داوا لە هاونیشتمانیانی بەڕێزی كوردستان دەكەم بە پاراستنی تەبایی و یەكگرتوویی ڕێگە مەدەن ڕژیمی ئاخوندی و دەست و پێوەندكانی ناكۆكی و دژایەتی لە نێوان خاوەن باوەڕە جیاجیاكانی كوردستان دروست بكەن و پەرەی پێ بدەن.
بە ناوی خۆم و هاوباوەڕانم لە سازمانی خەبات ی كوردستانی ئێران هاوخەمی و سەرەخۆشی بە خانەوادەی شێخ ئازاد و خانەوادەی دوو دەروێشە كوژراوەكەو خەڵكی قارەمانی شاری سەقز ڕادەگەێنم.
سازمانی خەبات ی كوردستانی ئێران
سكرتێری گشتی
بابەشێخ حوسەینی
هەینی 29 ی پووشپەڕی 1403 كۆچی خۆری
