هەواڵدەری رۆیتێر 10ی بەفرانبار نووسی: روسیە
رۆژی هەینی رەشنووسی بڕیارنامەیەکی بەسەر ئەندامانی ئەنجومەنی ئاسایش دا دابەش کرد کە تیایدا خوازیاری بەفەرمی ناسینی ئاگربڕی سوریە بوو کە بە دەستپێشخەری ئانکارا و مۆسکۆ کراوە.
ویتالی چورکین پێش دانیشتنی ئەنجومەنی ئاسایش لە وتووێژێکدا لەگەڵ هەواڵنێران لە بنکەی رێکخراوی نەتەوەیەکگرتووەکان لە نیۆیۆرک، وێڕای راگەیاندنی ئەو هەواڵە، ئومێدی خواست ئەندامانی ئەنجومەنەکە لە کۆبوونەوەی رۆژی شەممە بەو پێشنیارەی مۆسکۆ دەنگی ئەرێ بدەن.
ویلادیمیر پۆتین سەرۆک کۆماری روسیە رۆژی پێنج شەممە ئاگربڕی سەرانسەری لە سوریە راگەیاند و گوتی روسیە و تورکیە زامنی ئەو ئاگربڕەن.
بریار وایە لە ئەگەری سەرکەوتن و بەردەوامی ئاگربڕەکە، وتووێژی سیاسی مانگی داهاتووی زایینی لە شاری ئاستانەی پێتەختی قەزاقستان بەرێوە بچێ.
بەگوتەی سەفیری روسیە لە رێکخراوی نەتەوەکان، حەوت گروپی نەیاری بەشار ئەسەد بە نوێنەرایەتی نزیک بە 60 هەزار شەڕکەر لەو وتووێژەدا بەشدار دەبن.
