گرتنی پەرستارێکی کورد خەڵکی دیواندەرە

پویا ئیسفەندیاری، پەرستاری نەخۆشخانەی میلادی تاران و هاووڵاتیی کوردی خەڵکی دیواندەڕە لە پێنج ڕۆژ پێشەوە لە لایەن هێزە ئەمنییەکانی رژیمی ئاخوندی ئێرانەوە گیراوەو بۆ شوێنێکی نادیار گواستراوەتەوە.
بە پێی راپۆرتی هەواڵدەری ئێرانی ئازاد، پویا ئیسفەندیاری، پەرستاری نەخۆشخانەی میلادی تاران تەمەن ٣١ساڵە و خەڵکی شاری دیواندەڕڕە لە لایەن هێزە ئەمنییەکانی ئیدارەی ئیتلاعاتەوە گیراوە و بۆ شوێنێکی نادیار گواستراوە تەوە و تا ئێستا لە مافی پەیوەندی بە خێزانەکەیەوە لە ڕێگای تەلەفۆنی و چاوپێکەوتن لەگەڵیان بێ بەش کراوە.
بە وتەی سەرچاوەیەکی ئاگادار، پویا ئیسفەندیاری بە هۆی بەشداریکردن لە ناڕەزایەتی و مانگرتنی پەرستاران لە چەند ڕۆژی ڕابردوودا کە لە نەخۆشخانەی شارەکان ڕوویداوە گیراوە و بەدواداچوونی کەسوکاری بۆ زانینی چارەنووسی تا ئێستا بێ ئاکام ماوەتەوە.