سازمانی خه‌بات ی
کوردستانی
ئێران
عەبدوڵڵا قەنبەری‌وەند و مەحموود قەنبەری‌وەند، دوو برای کەم ئەندام و خاوەن پێداویستیی تایبەت خەڵکی پیرانشار و لە گیراوانی شۆرشی ژینا،بەمەبەستی جێبەجێکرانی سزای شەش ساڵ و حەوت مانگ بەندکرانەکەیان گیران و بۆ بەندیخانەی ناوەندیی نەغەدە گواسترانەوە.
بە وتەی سەرچاوەیەکی ئاگادار، مەحموود قەنبەری‌وەند چەند ڕۆژ پێش گواستنەوەی بۆ بەندیخانەی نەغەدە بەهۆی هەوکردنی سەختی لاقی کە لە بەشی مەچەکدا بڕدراوەتەوە لە نەخۆشخانەی ئیمامی پیرانشار خەوێندرابوو. هەروەها عەبدوڵڵا قەنبەری‌وەند نەخۆشیی فشاری خوێنی هەیە. ئەو دوو هاووڵاتییە بە تۆمەتی "ئەندامێتی لەیەکێک لە حیزبە دژبەرەکانی رژیمی ئێران سزای ٣٦ مانگ بەندکران و بە تۆمەتی "کردەوەی دژ بە ئاسایشی نیشتمانی" سزای ٣ ساڵ و ٧ مانگ بەندکران و هەر یەک سەرجەم سزای شەش ساڵ و حەوت مانگ بەندکرانیان بەسەردا سەپێندراوە کە بەپێی یاسای کۆکردنەوەی سزاکان، سەختترین سزا واتە سزای ٣ ساڵ و ٧ مانگ بەندکرانیان بۆ جێبەجێ دەکرێت و یەک لەسەر سێ ئەو سزایە بۆ ماوەی چوار ساڵ هەڵپەسێردراوە.
