سازمانی خه‌بات ی
کوردستانی
ئێران
دوو شارۆمەندی تازە لاوی بەلووچی تەمەن ١٧ و ١٨ ساڵ بە ناوەکانی وەحید دەرزاهی و نەوید دەرزاهی بە تەقەی ڕاستەوخۆی هێزە چەکدراەکانی رژیمی ئێران لە خاڵی سفری سنووری شاری سەراوان کوژران.
بەپێی ڕاپۆرتی هەواڵدەرییەکان ۆژی یەکشەممە ٢٥ی خەرمانان دوو هاووڵاتی بەلووچ بە ناوەکانی وەحید دەرزاهی تەمەن ١٧ ساڵ و نەوید دەرزاهی تەمەن ١٨ ساڵ خەڵکی گوندی زیارەت سەر بە شارۆچکەی بێمپشت شاری سەراوان، بە تەقەی ڕاستەوخۆی هێزە چەکدارەکانی ئێران کوژران.
کەمپەینی چالاکانی بەلووچ لەوبارەوە ڕایگەیاندووە کە، ئەم دوو هاووڵاتییە بۆ ئاودێریکردنی زەوییە کشتوکاڵییەکانی خۆیان چوونەتە خاڵی سفری سنوور و لە کاتی گەڕانەوەیان، کەوتوونەتە بەر ئامانجی تەقەی ئەم هێزانە و بەهۆی سەختی برینەکانیانەوە فەوتیان کردووە..
