سازمانی خه‌بات ی
کوردستانی
ئێران
سزای سێدارەی دوو بەندکراو کە زستانی ساڵی ١٣٨٩، بە تۆمەتی کشوتنی ئەفسەرێکی پۆلیس گیرابوون و بە سزای سێدارە لە پێش چاوی خەڵک مەحکووم کرابوون، لە یەکێک لە شەقامەکانی شاری خومەین، سەر بە پارێزگای مەرکەزی جێبەجێ کرا.
بە پێی راپۆرتی هەواڵدەرییەکان، سزای سێدارەی دوو بەندکراو کە پێشتر بە تۆمەتی بەشداری لە موحارەبە لە ڕێگەی تەقەکردن و تێکدانی ئاسایشی ڕێگەوبانەکان و کوشتنی پۆلیسێک سزای سێداەرەیان بەسەردا سەپێندرابوو، لە یەکێک لە گۆڕەپانەکانی شاری خومەین و لە پێش چاوی خەڵک جێبەجێ کرا.
ئیبراهیم گەمیزی، دادوەری شاری خومەین بە هەواڵدەرییە حکومەتییەکانی ڕاگەیاندووە کە، لە کۆتاییدا دوو لەو شەش کەسە بە تۆمەتی بەشداریکردن لە موحارەبە لە ڕێگەی تەقەکردن و تێکدانی ئاسایشی ڕێگەوبانەکان و کوشتنی پۆلیسێک بە ناوی ستوانی دووەم مورتەزا بەراتی سزای سێدارەیان لە پێش چاوی خەڵک بەسەردا سەپێندرا و سزای ناوبراون لە لایەن دیوان باڵای وڵات پشتڕاست کراوەتەوە.
