سازمانی خه‌بات ی
کوردستانی
ئێران
بۆریس ڕین، سەرۆکوەزیرانی ویلایەتی هێسن، داوای لە وەزارەتی دەرەوەی ئاڵمان کرد کە سفارەتی ڕژیمی ئێران لەو وڵاتە دابخات. ئەم داوایە دوای دەرکردنی بەڕێوبەری ناوەندی ئیسلامیی هامبۆرگ و داخستنی ئەو ناوەندە بووە.
ڕین بە پێداگری لەسەر ئەوەی کە "ناوەندی کونسوڵگەریی رژیمی ئێران" لە ئاڵمان "بنکە ئایدۆلۆژییەکانی حکوومەتی ئێرانن"، گوتی: بەکرێگیراوانی حکومەتی ئێران لەو ناوەندانە سەرقاڵی بڵاوکردنەوەی ڕق و کینە لە دژی ئیسرائیل و پشتیوانی لە ڕێکخراوە تیرۆریستییەکانی وەک حیزبوڵڵان.
ناوبراو لە نامەیەکدا بۆ ئانالینا بائربووك، وەزیری دەرەوەی ئاڵمان ڕژیمی ئێرانی بە "پێشێلکاری ئاسایش و مافی مرۆڤ" زانی و خوازیاری داخستنی کونسوڵخانەکانی ئەو حکوومەتە بوو.
