پاسدار ئیرەجی مەسجدی راوێژکاری پلەبەرزی پاسدار قاسمی سلێمانی سەرکردەی هێزی تیرۆریستی قودسی رژێم کە لەم دواییانەدا وەک سەفیری رژێم لە عێراق دانراوە موسڵ، لوبنان، حەلەب و سوریە بە هێڵی پێشەوەی شەڕی رژێم ناوبردووە.
ناوبراو کە لە رێ و رەسمی ساڵیادی یەکێک لە کوژراوانی رژێم لە سوریە قسەی دەکرد گوتی: هێڵی پێشەوەی سەربازانی ئێمە دوێنێ ئابادان، خورەمشار، مێهران و حاجی ئۆمەران بوو بەڵام ئێستا موسڵ، لوبنان و حەلەب و سوریەیە.
ئەو پاسدارە پێشتریش وتبووی شەڕ لە سوریە و عێراق بەرگریە لە سنوورەکانی ئێران.
