نێرگس محەممەدی لە پەیوەندییەکی ڤیدیۆیی لەگەڵ کۆمیتەی نۆبڵ؛ ناهێڵم زیندان دەنگم كپ بكات

نێرگس محەممەدی، براوەی خەڵاتی نۆبڵی ئاشتی، کە ماوەی سێ هەفتەیە لە زیندانی ئێڤین بە مەبەستی چارەسەری دوای نەشتەرگەریی وەرەم و چاندنی ئێسک ئازاد كراوە، لە پەیوەندییەکی ڤیدیۆییدا لەگەڵ لیژنەی نۆبڵ لە ٢٢ی سەرماوەزدا ڕایگەیاند؛
"هەرچەندە لە دەروەی زیندان دەتوانم چالاكیی زیاترم هەبێت، بەڵام ڕێگە نادەم زیندان دەنگم كپ بكات".
لەم وتووێژەدا نێرگس محەممەدی پێداگری لەوە کردەوە کە پابەندبوون بە مافەکانی ژنان و مافی مرۆڤ هەرگیز ناتوانرێت لە دیواری زیندانەکاندا سنووردار بکرێت و زیادی کرد؛ "داکۆکیکردن لە مافەکانی مرۆڤ و مافەکانی ژنان نابێت بە تاوان هەژمار بکرێت".
هەروەها کوشتنی بێدەنگی زیندانییانی سیاسی له لایەن رژیمی ئێارانەوە مەحکووم کرد و گوتی؛
"من دەبێ ئازاد بم تا لە كارەكانم بەردەوام بم". 
براوەی خەڵاتی نۆبڵی ئاشتی هەروەها ڕایگەیاند، ئەگەر ڕژیمی ئێرانیش بتوانێت بێدەنگی بکات، ئەوا دۆخەکە زۆر ناگۆڕێت، چونکە خەڵکی ئێران ڕاپەڕیوە