سازمانی خه‌بات ی
کوردستانی
ئێران
ڕۆژی چوارشەم ١٩ی بەفرانباری۱۴۰۳ بەرانبەر بە ٨ی ژانویە٢٠٢٥ شاندێکی کۆمەڵەی شۆڕشگێڕی زەحمەتكێشانی کوردستان بە سەرپەرەستی بەڕێز کاک عومەرئیلخانیزادە، جێگری سکرتێری گشتی کۆمەڵە، سەردانی
سەرکردایەتی سازمانی خەباتی کوردستانی ئێرانیان کرد و لە لایەن شاندی سازمانی خەبات، بە سەرپەرەستی کاک بابەشێخ حوسەینی سکرتێری گشتی، پێشوازییان لێکرا.
لەم دیدارەدا هەلومەرجی جیهانی ،باروودۆخی ڕۆژهەڵاتی ناوەڕاست، بزووتنەوەی ڕەوای گەلی کورد لە کوردستانی ئێران و پەیوەندی ئەحزاب و سازمانە سیاسییەکانی کوردو هەروەها رێگە کاری هاوبەش بۆ هاودەنگی حێزبەکانی کوردستانی خرایە بەرباس .
لە درێژەی کۆبونەوەی نێوان هەیئەتی سازمانی خەبات و کۆمەڵە،هەڵسەنگاندن بۆ هەڵسوڕان وچالاکی لایەنە سیاسیەكانی كوردستان لەناوخۆ و دەرەوی وڵات كراو دەوری هێزەکانی ئوپوزسیونی کوردستانی و ئێران لە بەرانبەر ڕژیمی ئاخوندی و هەروەها بابەتە سیاسیەکان و هاوهەڵوێستی وهاوکاری نێوان ئەحزابی سیاسی سەرنجی خرایە سەر و پێداگری لە سەر کرا.
