وتووێژی خەباتمێدیا لەگەڵ کاک عومەر ئیلخانیزادە، جێگری سکرتێری کۆمەڵەی شۆڕشگێری زەحمەتکێشانی کوردستانی ئێران

وتووێژی خەباتمێدیا لەگەڵ کاک عومەر ئیلخانیزادە، جێگری سکرتێری کۆمەڵەی شۆڕشگێری زەحمەتکێشانی کوردستانی ئێران، لەژێر ناوی کەی نۆرەی ئێرانیش دێت؟ خەبات مێدیا، لەسەر بابەتێکی گرنگ و چارەنووسساز لە ئێران کە بەتایبەتی کاریگەری لەسەر پرسی کورد لە کوردستانی ئێران هەیە، زنجیرە بەرنامەیەکی رێک خستوەو لە چەند عەلقەیەک دا لەگەڵ بەرپرسی هێز و لایەنە سیاسیەکانی کوردستان وتووێژ دەگات. لە عەڵقەی دووهەمی بەرنامەکان دا، خاتوو ئەفسانە رەحیمی، لەگەل کاک عومەر ئیلخانیزاده، جێگری سکرتێری کۆمەڵەی شۆڕشگێڕی زەحمەتکێشانی کوردستانی ئێران گفتۆگۆ دەکات و چەند بابەتێکی گرنگ دەخاتەروو. ئەم پرسیارانە لەسەر داواکاری سازمانی خەبات ی کوردستانی ئێران بۆ پێکهێنانی بەرە یان ناوەندێک بۆ کاری هاوبەش و یەکدەنگی و یەکڕێزی لە نێوان حیزبەکانی کوردستانی ئێران، لە هەلوومەرجی هەستیاری ئەمرۆی ئێراندا داڕێژراوەو هەوڵ بۆ تێگەیشتنی زۆرتری خەڵک و هەروەها یەکوتاری لایەنە سیاسیەکان بۆ قازانجی گشتی نەتەوەو هاونیشمانیانی کوردستانە. لەم گفتۆگۆیەدا خاتوو ئەفسانە رەحیمی دەپرسێت کە ئایا کۆمەڵەی شۆڕشگێڕی زەحمەتکێشانی ئێران، ئاسۆیەکی ڕوون بۆ داهاتووی ئێران و گەلاڕنی چەوساوەی ئەو وڵاتە دەبینێت؟ داهاتووی کورد لەو ئاسۆیە چی دەبێ، ئایا مێژوو دووبارە دەبێت و کورد مافخوراو دەبێ، یان بە مافەکانی خۆی دەگات؟ ئیلخانیزادە وتی، نەتەوەی کورد لە کوردستانی ئێران، ئەگەرچی هەموو چەشنە سەرکوت کراوەو زۆڵم و چەوساندنەوەی لەڕادەبەدەری بەخۆیەوە دیتوە، بەڵام قەد دەنگی ناڕەزایەتی کپ نەبوەو بەردەوام داوای مافەڕەواکانی خۆی کردوە. ئەم ناڕەزایەتیانە لە شۆڕشی ژینادا زۆرتر خۆی نواند و کوردستان کە مەکۆی شۆڕش و پێشەنگی ئەو نارەزایەتیانە بوو، ئاسۆی خەباتی سیاسی لە کوردستان دا گۆڕی. شۆڕشی ژن، ژیان، ئازادی، شۆڕشێکی سکۆلار و سەردەمانە بوو، کە هەموو بناغەکانی ڕژیمی هێناوە لەرزە. ناوبراو وتی شۆڕشی گەلان لە ساڵی ۵۷دا کە لەدژی ڕژیمی پاشایەتی کرا، خەڵک خوێن بە دڵ بوون و بەکگرتوانە هاوکاری ڕووخانی ئەو ڕژیمەیان کرد. ئێستە شۆڕشی ژینا جگە لەو خاڵانەش، سەردەمانەتر و پێشکەوتنخوازەو پشتیوانی جیهانی بەدواوە بوو. کاک عومەر باسی لە ڕووخانی حکومەتی بەشار ئەسەد و لاوازی میحوەری مقاومەت کرد کە بەڕێوەبەری شەرارەتەکانی ڕژیم لەو ناوەچەدا بوون. کاک عومەر وتی: ڕژیمی ئەسەد گەندەڵ و دژە خەڵک بوون و ئەو خەڵکە لە ساڵی ۲۰۱۱وە دژی دەسەڵات خەباتیان دەکرد. پێداگری خەڵک بۆ ڕووخانی ئەسەد، وای کرد کە وێڕای هەوڵەکانی ڕژیمی ئێران و حکومەتی ڕووسیە، ئەسەد ڕووخاو خەڵکی سوریە بە ئازادی گەیشتن. لە وڵامی ئەو پرسیارەی کە بۆچی لە ئێستادا بەرەیەکی یەکگرتوو لە حیزب و لایەنە سیاسیەکانی کوردستان پێک نەهاتووە، ئیلخانیزادە وتی: لە ئێستادا کە وەها دەرفەتێکی مێژوویی خوڵقاوە، پێویست ئەو هەلە بقۆزرێتەوەو کەڵکی پێویستی لێ بگرین. ئێمە دەمانەوێت لەگەڵ ئوپۆزسیون و پۆزێسیونی ئێرانی چیبکەین، ڕوو بە کۆمەڵگەی جیهانی چیمان هەیە، کاریگەری بەشەکانی دیکە کوردستان و پەیوەندیمان چۆن دەبێ لەگەڵیان، هێزی پێشمەرگە چی بەسەر دێ؟ ئایا هێزێکی یەکگرتوو ڕێک دەخەین یان هەر لایەنێک بۆ خۆی ڕێکخستن بۆ هێزەکانی دەکات و پاش ڕووخانی ڕژیمی ئێران، حکومەتی کاتی چۆن بەڕێوەبەری دەکرێت و لەسەر چ بناغەیەک دائەڕێژرێت. کاک عومەر وتی: ئیتر مانۆور لێدانی حیزبی باوی نەماوەو خەڵک چاوڕوان دەکەن هاوکاری و یەکدەنگی حیزبەکان ببینن و هێز و لایەنەکان ئێستە ئەو خاڵانەیان لەگەڵ یەکتر باس کردوەو ئەو دیالۆگانە لەئارادان. وتیشی کۆمەڵگەی نێودەوڵەتی چاوەڕوان دەکات بزانێت ئێمەی کورد داواکاریمان چیەو داوای چی دەکات. یەکگرتوویی ئۆپوزسیۆنی کوردی و ئێرانی بەگرنگ زانی و وتی ئوپۆزسیۆنی ئێرانی پرت و بڵاون و ئەوانیش پێویستە خۆیان ڕێک بخەن، پێش ئەوەی دەستی دەرەکی ئاڵترناتیڤێک بەسەر خەڵک دا بسەپێنێت