پەیامی هاوخەمی سازمانی خەبات بۆ خەڵكی بانە

بە پێی هەواڵێک کە لە شاری بانەوە بە خەبات میدیا گەیشتوە، نیوەڕۆی ئەمڕۆ ۱٠ی ڕەشەمەی ۱٤٠۳ی کۆچی خۆری، شەش گرووپی شاخەوانی لە شارەکانی بانە، سەقز و بۆکان کە زیاتر لە سەد کەس بوون، چوبوونە بەرزاییەکانی کەڵەکەجاڕ لە پشتی گوندی حەوتاش و کەوتوونەتە ژێر ڕەندووی بەفر. بە پێی دوایین هەواڵ، تا ئێستا شەش کەس بە ناوەکانی؛ یاسا سادقی، شەهلا ڕەحمانی، کاروان ئەحمەدپەنا، ڕووناک دانشمەند و
عومەر عەبدووڵاهی، فەوتیان کردووە.

ئەوە بۆ چەندەمین جارە کارەساتی لەو شێوەیە لە ناوچەکانی کوردستان روودەدا، بەڵام بە هۆی گەندەڵی کاربەدەستانی ڕژیمی ئاخوندی، كەمتەرخەمی لە ناردنی تیمی فریاكەوتن و هەروەها ئیمکانات بۆ شارەکانی کوردستان، گیانی هاووڵاتیانی کوردستان بەردەوام دەکەوێتە مەترسیەوە.
‎سكرتێری گشتی، و سەركردایەتی سازمانی خەبات ی کوردستانی ئێران سەرەخۆشی لە کەس و کاری گیانبەختکردووان دەکەن و هیوای سڵامەتی بۆ بریندارەکان لە خوای گەورە داواكارن.

ناوەندی ڕاگەیاندنی سازمانی خەبات ی كوردستانی ئێران