سازمانی خه‌بات ی
کوردستانی
ئێران
جێژنی ڕەمەزان لە هاونیشتمانیانی موسڵمان لە كوردستان، ئێران و سەرانسەری جیهان پیرۆز بێت. هومێدوارم ڕۆژوو خواپەرەستی هەموو موسڵمانان قەبوڵ بێت و گەلی ستەملێكراوی كوردو گەلانی ئێران بە ئازادی و ڕزگاری شاد ببن و ڕژیمی دژی ئینسانی و دژی ئیسلامی و دیكتاتۆریی ویلایەتی فەقیه، بە خەبات هێزو توانای جەماوەری سەرانسەری ئێران و هێزە شۆڕشگێڕەكان لە ئێران و كوردستان، بخرێتە زبڵدانی مێژووەوە. بە پێویستی دەزانم سپاس و پێزانین و ڕێزی خۆم بە بازرگان و دەوڵمەندەكان، دوكتورو پەرەستارەكان، مامۆستایانی ئایینی تێكۆشەرو هەموو ئەو كەسانەی بێ بەرانبەر لە مانگی ڕەمەزان و لە مانگ و ڕۆژەكانی دیكە،خزمەتی هەژارانی كوردستانیان كرد پێشكەش بكەم و سەربەرزی و ئاسودەییان لە خوای گەورە داواكارم. بێگومان كوردستان بە بوونی تێكۆشەران وپێشمەرگە قارەمانەكان و شۆڕشگێرانی گیان فیداو بە مرۆفە دڵسۆزو بە هەستەكان و هەموو ئەو ئازیزانە خەمی خەڵك و ڕزگاری نیشتمان بە خەمی خۆیان دەزانن ئاوەدان و ڕزگار دەبێت و گەلی كورد لە ئێرانی ئازادو دیموكڕاتدا بە مافەكانی شاد دەبێت. لە گەڵ پیرۆزبایی دووبارەم
سازمانی خەبات ی كوردستانی ئێران
سكرتێری گشتی
بابەشێخ حوسەینی
9 ی خاكەلێوەی 1404 ی كۆچی خۆری
