رۆژی چوارشەممە 29ی بەفرانبار سامانتا پاوەر
نوێنەری حکومەتی ئوباما لە رێکخراوی نەتەوەیەکگرتووەکان، لە ئاخرین دانیشتنی خۆی لە ئەنجومەنی ئاسایش، پێش ئەوەی جێگەکەی خۆی بە نوێنەری حکومەتی ترامپ بدا، داوای کرد دژ بە کردەوەی تێکدەرانەی رژێمی ئێران لە رۆژهەڵاتی ناوەراست بوەستنەوە.
ناوبراو خوازیاری هێشتنەوەی ئابڵوقەی چەکو چۆڵ دژ بە رژێمی ئێران بوو و وتی: بەرەوپێشچوون لە مەسەلەی ناوکەیی ئێران، نابێ بێتە هۆی ئەوەی ئەنجومەنی ئاسایشی رێکخراوی نەتەوەیەکگرتووەکان لە بەرامبەر کردەوەکانی ئێران کە دروست کردنی بشێوی لە رۆژهەڵاتی ناوەراستە، کەمتەرخەم بێ.
سامانتا پاوەر لە بەشێکی دیکەی قسەکانیدا گوتی: پێویستە ئێمە لەم ئەنجومەنە پێکەوە ئێران مەجبور بکەین، بەباشی پێ ملی بریارنامەی 2231 بێ. بەتایبەت لە بابەت هەناردەکردنی چەکوچۆڵ و هەڵسوکەوتی لەو چەشنە سنووری بۆ دانرێ.
