سازمانی خەبات، سەردانی حیزبی زەحمەتکێشانی کرد ڕۆژی سێشەممە ۲۸ی گەلاوێژ ۱۴۰۴ بەرانبەر بە ۱۹ی ئاگۆست ۲۰۲۵، بابەشێخ حوسەینی سکرتێری گشتی شاندێکی سازمانی خەبات ی کوردستانی ئێران بە ياوەری هەیئەتێکی سازمان کە پێکهاتبوون لەبەڕێزان،: جەلال خۆشکەلام، کارگێڕی کومیتەی ناوەندی و ئەفسانە ڕەحیمی، شۆڕشی حاجی و ماردین زاهیدی، ئەندامانی کۆمیتەی ناوەندی سازمانی خەبات، سەردانی حیزبی زەحمەتکێشانی کوردستانیان کرد و لەلایەن بەڕێزان: بەڵێن عەبدوڵڵا سکرتێری حیزبی زەحمەتکێشانی کوردستان، نیشتمان کەماڵ، ئەندامی مەکتەبی سیاسی، بێکەس قادر، ئەندامی مەکتەبی سیاسی، هیوا سەید سەلیم و دڵشاد ڕەمزان، ئەندامی مەکتەبی پێشوازی گەرمیان لێوە کرا. لەو دیدارە دۆستانەدا، باسی ڕوداوە سیاسیەکانی کوردستان ، ئێران، ناوچەی خۆرهەڵاتی ناوەڕاست، عێراق و ڕۆڵ و چارەنوسی کورد لەو بوارانەدا خرایە سەر باس. هەروەها باس لە زەرورەتی یەکڕیزی و یەکێتی هێز و لایەنە سیاسیەکانی کوردستانی ئێران کراو لایەنی خانەخوێی پێشوازی لە هەڵوێستی سازمانی خەبات ولایەنەکانی کوردستانی ئێران کرد و پشتیوانی خۆیان بۆ هاوکاری سازمانی خەبات و لایەنەکانی کوردستانی ئێران کرد. لە کۆتاییدا دوولایەن پێداگریان لەسەر دۆستایەتی لەمێژینەی سازمانی خەبات کرد و زۆر بەباشیان هەڵسەنگاند کە ئەو دۆستیە پتەوتر بێتەوە.
