سازمانی خه‌بات ی
کوردستانی
ئێران
رۆژی چوارشەممە رێکەوتی 30ی بەفرانباری کۆچی خۆری رێورەسمی پرسە و سەرەخۆشی خوالێی خۆشبێت کاک فەتاحی کاویان کەسایەتی ناسراو و تێکۆشەری ریزەکانی حیزبی دیموکراتی کوردستان لە شاری کۆیە بەرێوە چوو. بە مەبەستی هاوخەمی شاندێکی رێبەرایەتی سازمانی خەبات بەسەرپەرشتی بەرێز کاک رێبوار حسێنی ئەندامی کومیتەی ناوەندی لەو ریورەسمە دا بەشدارییان کرد و لە نزیکەوە هاودەردی خۆیان بۆ هاورێیان و کەس و کاری کاک فەتاح کاویان دەربڕی.
شایانی باسە خوالێی خۆش بێت کاک فەتاحی کاویان دوای پێشکەش کردنی ٦٠ ساڵ لە ٨٠ ساڵ تەمەنی خۆی ، ئێوارەی رۆژی چوارشەممە ٢٩ی بەفرانبار بە هۆی ڕاوەستانی دڵ، لە قەڵای حیزبی دێموکرات لە شاری کۆیە کۆچی‌دوایی کرد و رۆژی ٣٠ ی بەفرانبار لە مەزارگەی تێکۆشەرانی دێموکرات بە خاک سپێردرا.
