سەردانی پێوەندییەکانی سازمانی خەبات بۆ پارتی ڕەنجدەرانی کوردستان
رۆژی چوارشەممە ۵ی خەرمانان ۱۴۰۴ بەرانبەر بە ۲۷ی ئاگۆست ۲۰۲۵، هەیئەتێکی سازمانی خەبات کە پێکهاتووبوون لە ماردین زاهدی و ئەیوب عارفی، ئەندامانی کومیتەی ناوەندی سازمانی خەبات و خاتوو ڕێناس فەلەکی، کادری پەیوەندیەکانی سازمانی خەبات، سەردانی پارتی ڕەنجدەرانی کوردستانیان کرد و لەلایەن هەڤاڵان ساڵح کاکەیی و محەممەدکامەلا، سامی خۆشناو، ئەندامانی مەکتەبی سیاسی، بەیاوەری هەڤاڵان فەرهاد محەممەد و دلشاد سەباح ئەندامانی ئەنجومەنی گشتی و هەڤاڵ حەمەڕەش باپیر لەنوسینگەی بەڕێز سکرتێری گشتی پارتی ڕەنجدەرانی کوردستان، پێشوازی گەرمیان لێوە کرا. لە دیدارەکەدا، لەسەر هەلوومەرجی جیهانی و پێشهاتەکانی ڕۆژ، دۆخی کورد لە پارچەکانی کوردستان، ڕۆڵگێڕی هێز و لایەنە سیاسیەکانی کوردستانی ئێران و یەکیەتی و هاودەنگیان لە هەلوومەرجی هەستیاری هەنووکەدا باسی لێوە کرا. لەسەر بابەتی هاوکاری زۆرتری ڕێکخراوەکانی ئافرەتان، لاوان و بەشی ڕاگەیاندنی لایەنەکان دوولایەن هاوڕا بوونی خۆیان ڕاگەیاند و پێداگیریان لەسەر پتەوتر کردنی پەیوەندیەکانی دوو لایەن کرد.
