دیداری سازمانی خەبات و پارتی ڕەنجدەرانی کوردستان
ڕۆژی یەکشەممە ۲۸ی بەفرانبار ۱۴۰۳ بەرانبەر بە ۱۸ی ژانویەی ۲۰۲۶، هەیئەتێکی پارتی ڕەنجدەرانی کوردستان بریتی لە بەڕێزان: ساڵح کاکەیی،ئەندامی مەکتەبی سیاسی و بەرپرسی مەکتەبی پەیوەندیەکان، ڕزگار ڕەسووڵ و فەرهاد ئەحمەد، ئەندامانی ئەنجومەنی گشتیی ئەو پارتە، سەردانی پەیوەندیەکانی هەولێری سازمانی خەبات ی کوردستانی ئێرانیان کرد و لەلایەن ماردین زاهدی بەرپرسی پەیوەندیەکانی هەولێر و بەیارمەتی بەڕێزان: ڕێناس فەلەکی، مەتین پەرێشان و سەعدی لۆتفی، کادرانی سازمانی خەبات، پێشوازی گەرمیان لێوە کرا.
لە دیدارەکەدا هەڵسەنگاندنێک بۆ دۆخی جیهانی بەگشتی و دۆخی ئێران و کوردستانی ئێران بەتایبەتی، ڕۆڵگێڕی هێز و لایەنە سیاسیەکانی کوردستانی ئێران لەم هەلوومەرجەداو هاوکاری و تەباییان لەناوەندی دیالۆگ و کاردانەوەی ئەرێنی ئەو هاوکاریانە،هەروەها هەوڵ بۆ پتەوتر کردنی، خرایە بەر باس. هەروەها شاندی پارتی ڕەنجدەرانی کوردستان پشتیوانی خۆیان بۆ ئەو هاوکاریەو هەر چەشنە چالاکیەک کە ببێتە هۆی یەکڕیزی و تەبایی هێزە سیاسیەکانی کوردستانی ئێران ڕاگەیاند.
لەکۆتاییدا هەر دوولایەن پێداگریان لەسەر دۆستایەتی و نزیکی زیاتری سازمانی خەبات و پارتی ڕەنجدەرانی کوردستان کرد.
