سکرتێری گشتی سازمانی خەبات بە توندی هێرشکردنە سەر ماڵی کاک نێچیرڤان بارزانی لە شاری دهۆک، مەحکوم دەکات.
هێرش بۆ سەر ماڵی کاک نێچیرڤان بارزانی بەشێکە لەو زنجیرە هێرشە تێکدەرانەی کە ڕژیمی ئێران و گروپە پاشکۆکانی لە ناوچەکەدا ئەنجامی دەدەن. ئەم کارە ترۆریستیە بەڵگەیەکی ڕوونە لەسەر ئەوەی کە ڕژیمی ئێران دەیەوێت خاکی هەرێمی کوردستان بکاتە گۆڕەپانی ململانێ خۆی لەگەڵ ئەمریکا و ئیسرائیل.
سازمانی خەبات، وێڕای مەحکوم کردنی توندی ئەم هێرشە، ڕایدەگەیەنین کە بەرپرسیاری یەکەمی ڕژیمی دیکتاتۆری ئێران لە ڕێگەی گروپە چەکدارە بەکرێگیراوەکانی هەوڵدەدات زیان بە هەرێمی کوردستان بگەێنێت وئاسایشی ناوچەکە تێکبدات.
بێگومان دەستێوەردانە بەردەوامەکانی ڕژیمی ئێران لە کاروباری هەرێمی کوردستان و عێراق، دەبێتە هۆی زیاتربوونی مەترسی و ئاڵۆزیەکان.پێویستە حکومەتی فیدراڵی عێراق و کۆمەڵگەی نێودەوڵەتی سنوورێک بۆ ئەم دەستدرێژیانەی رژیمی ئێران دابنێن و ڕێگە نەدەن ژیانی سەرکردە و هاووڵاتیانمان بکرێتە قوربانی قازانجەکانی ڕژیمی ئێرانۇنت
بابەشێخ حوسەینی
سکرتێری گشتیی سازمانی خەباتی کوردستانی ئێران
